ប្រធាន FIFA អះអាងថា Iran នឹងចូលរួមប្រកួត World Cup 2026 ទោះមានវិបត្តិសង្គ្រាមក៏ដោយ
By Dany • 23 views
ប្រធាន FIFA លោក Gianni Infantino បានបញ្ជាក់យ៉ាងច្បាស់ថា ប្រទេស អ៊ីរ៉ង់នឹងចូលរួមប្រកួត World Cup 2026 ទោះបីមានភាពតានតឹងយោធាកំពុងកើតឡើងជាមួយសហរដ្ឋអាមេរិកក៏ដោយ។
លោកបាននិយាយក្នុងអំឡុងពេលបង្ហាញខ្លួនភ្លាមៗមួយ នៅការប្រកួតមិត្តភាពក្នុងប្រទេស តួកគី ដែលធ្វើឡើងរវាង អ៊ីរ៉ង់ និង កូស្តារីកា ដោយបដិសេធពាក្យចចាមអារាមថា ក្រុមនេះអាចត្រូវផ្លាស់ទី ឬដកចេញពីការប្រកួត។
លោក Infantino បានព្យាយាមបញ្ចប់ការសង្ស័យទាំងអស់ ដោយនិយាយយ៉ាងច្បាស់ថា ក្រុម អ៊ីរ៉ង់ នឹងមានវត្តមាននៅក្នុងព្រឹត្តិការណ៍ដ៏ធំនេះ។ លោកបាននិយាយថា៖
“Iran will be at the World Cup”
គាត់បន្ថែមថា៖
“យើងនៅទីនេះព្រោះយើងសប្បាយចិត្តណាស់ ពួកគេជាក្រុមខ្លាំងមួយ។ ខ្ញុំបានជួបកីឡាករ និងគ្រូបង្វឹក ហើយអ្វីៗគឺដំណើរការល្អទាំងអស់”
ការចូលរួមរបស់លោកដោយមិនបានប្រកាសជាមុននេះ ត្រូវបានមើលឃើញថា ជាសញ្ញានៃការគាំទ្រចំពោះក្រុមជម្រើសជាតិ អ៊ីរ៉ង់ (Team Melli) ក្នុងអំឡុងពេលដែលមានសម្ពាធនយោបាយខ្លាំង។
