Raphinha នឹងខកខានទាំងពីរជើងនៃការប្រកួត Champions League វគ្គ quarter-final របស់ Barcelona ទល់នឹង Atletico Madrid បន្ទាប់ពីក្លឹបបញ្ជាក់ពីរបួស សាច់ដុំខាងក្រោយភ្លៅខាងស្តាំ យ៉ាងធ្ងន់ធ្ងរ
By Dany • 52 views
ក្លឹប Barcelona បានទទួលដំណឹងអាក្រក់មួយ មុនការប្រកួតធំជាមួយ Atletico Madrid នៅ Champions League ខណៈ Raphinha មានរបួស សាច់ដុំខាងក្រោយភ្លៅខាងស្តាំ ហើយត្រូវសម្រាកយ៉ាងហោចណាស់ 5 សប្តាហ៍។
ការអវត្តមានរបស់គាត់បានប៉ះពាល់ដល់ផែនការរបស់គ្រូបង្វឹក Hansi Flick ព្រោះ Raphinha គឺជាកីឡាករសំខាន់ម្នាក់ក្នុងក្រុម។ រដូវកាលនេះ គាត់បានរក 19 គ្រាប់ និងបញ្ជូនបាល់ឲ្យមិត្តរួមក្រុមបាន 8 ដង ក្នុង 31 ប្រកួត។
របួសនេះកើតឡើងអំឡុងពេលបំពេញភារកិច្ចជាមួយក្រុមជម្រើសជាតិ Brazil ហើយបន្ទាប់ពីការតេស្តវេជ្ជសាស្ត្រ បានបញ្ជាក់ថា ស្ថានភាពរបស់គាត់ធ្ងន់ធ្ងរជាងការរំពឹងទុក។ ដោយហេតុនេះ គាត់នឹងខកខានទាំង 2 ជើង ទល់ Atletico នៅថ្ងៃទី 8 និង14 ខែ មេសា ។
ក្នុងសេចក្ដីប្រកាស Barcelona បានបញ្ជាក់ថា៖
“Raphinha មានរបួសសាច់ដុំខាងក្រោយភ្លៅខាងស្តាំ បន្ទាប់ពីមានអារម្មណ៍ឈឺក្នុងការប្រកួតរវាង ប្រេស៊ីល ទល់នឹង បារាំង នៅទីក្រុង Boston ដែលបញ្ចប់ដោយលទ្ធផល 2 ទល់ 1។”
គ្រូបង្វឹក Carlo Ancelotti បាននិយាយថា ដំបូងគាត់គិតថា របួសនេះមិនធ្ងន់ទេ គ្រាន់តែប្ដូរចេញដើម្បីការពារ។ ប៉ុន្តែក្រោយពិនិត្យបន្ថែម ទើបដឹងថា របួសនេះធ្ងន់ជាងការរំពឹងទុក។ គាត់ក៏បានសរសើរ Raphinha និង Vini ថាបានលេងខិតខំល្អ ទោះមិនអាចរកគ្រាប់បាល់បានក៏ដោយ។
សម្រាប់ Barcelona, នេះជាការបាត់បង់ដ៏ធំ ព្រោះ Raphinha គឺជាកីឡាករចម្បងម្នាក់ក្នុងការប្រយុទ្ធរបស់ក្រុម។
