Real Madrid កំពុងចាប់អារម្មណ៍លើ Enzo Fernandez ខណៈ Chelsea មិនទាន់មានកិច្ចព្រមព្រៀងបន្តកុងត្រា ជាមួយកីឡាករនេះឡើយ
By Dany • 48 views
ក្នុងរយៈពេលកន្លងមក Real Madrid តែងតែត្រូវបានភ្ជាប់ជាមួយការចុះហត្ថលេខា midfield ថ្មីសម្រាប់រដូវក្តៅ ប៉ុន្តែគោលដៅសំខាន់របស់ពួកគេបានផ្លាស់ប្តូរជាបន្តបន្ទាប់។
ដំបូងគេ ពួកគេបានចាប់អារម្មណ៍លើ Vitinha និង Kees Smit, ប៉ុន្តែក្រោយមក Rodri បានក្លាយជាគោលដៅលេខមួយ។ ទោះជាយ៉ាងណា ក្នុងរយៈពេលថ្មីៗនេះ មានឈ្មោះថ្មីមួយបានឡើងមកជំនួសកីឡាករឈ្នះពាន Ballon d’Or នោះ។
បច្ចុប្បន្ន កីឡាករដែលត្រូវបានគេរាយការណ៍ថា ខិតជិតគោលដៅជាមួយ Real Madrid បំផុត គឺ Enzo Fernandez កីឡាកររបស់ Chelsea។ មូលហេតុគឺដោយសារគាត់ចង់ចាកចេញពីក្លឹបនៅ London ហើយថែមទាំងបាននិយាយអំពីការរស់នៅទីក្រុង Madrid ថ្មីៗនេះផងដែរ។
កីឡាករអាយុ 25 ឆ្នាំ ដែលឈ្នះពាន World Cup រូបនេះ មានកុងត្រាជាមួយ Chelsea រហូតដល់ឆ្នាំ 2032។ Real Madrid កំពុងរំពឹងថានឹងចូលចរចានៅរដូវក្តៅ ដើម្បីនាំយកគាត់មកភ្លាមៗ។
យោងតាម Fabrizio Romano, បច្ចុប្បន្ន Fernandez និង Chelsea មិនទាន់មានការពិភាក្សាអំពី contract renewal ទេ ហើយក៏មិនមានកិច្ចព្រមព្រៀងណាមួយផងដែរ។ ពិតប្រាកដទៅ ការចរចារវាងភាគីទាំងពីរនៅមិនទាន់បានចាប់ផ្តើមសោះ។
អ្នកកាសែតជនជាតិអ៊ីតាលីរូបនេះ ក៏បានបន្ថែមថា ពាក្យសម្ដីរបស់ Fernandez អំពី Madrid គួរត្រូវបានយកមកពិចារណា ព្រោះវាបង្ហាញច្បាស់ថាគាត់ចង់ចាកចេញ និងមិនមានបំណងបន្តកុងត្រាថ្មី។
បើទោះបីជាមិនមានការចរចាក៏ដោយ កុងត្រាបច្ចុប្បន្នរបស់គាត់នៅតែជាកុងត្រាយូរអង្វែង ដោយមានសុពលភាពរហូតដល់ខែមិថុនា 2032 ដែលមានពេលលើសពី 5 ឆ្នាំនៅសល់។
ដូច្នេះ ការចរចាររវាង Real Madrid និង Chelsea នឹងមិនងាយស្រួលឡើយ ហើយស្ថានភាពកុងត្រារបស់គាត់ក៏មិនមែនជាចំណុចសម្រេចចិត្តតែមួយទេ។
នៅពេលនេះ កត្តាសំខាន់បំផុតគឺ តម្រូវការលក់កីឡាកររបស់ Chelsea និងបំណងចាកចេញរបស់ Fernandez ដែលនឹងកំណត់អនាគតរបស់គាត់។
