Vinicius Junior ត្រៀមរួចរាល់សម្រាប់ក្រុមជម្រើសជាតិប្រេស៊ីល ខណៈ Carlo Ancelotti បញ្ជាក់ថា គាត់នឹងចូលលេងទល់នឹងក្រូអាត
By Dany • 48 views
គ្រូបង្វឹកក្រុមជម្រើសជាតិប្រេស៊ីល លោក Carlo Ancelotti បានផ្តល់ដំណឹងល្អដល់អ្នកគាំទ្រ ប្រេស៊ីល និង Real Madrid ដោយបញ្ជាក់ថា ខ្សែប្រយុទ្ធ Vinicius Junior មានសភាពរាងកាយល្អ និងអាចចូលលេងបានសម្រាប់ការប្រកួតមិត្តភាពទល់នឹង ក្រូអាតនៅថ្ងៃអង្គារ។
មិនត្រឹមតែប៉ុណ្ណោះ លោក Carlo Ancelotti ក៏បានបញ្ជាក់ផងដែរថា កីឡាករសំខាន់ម្នាក់ទៀតគឺ Marquinhos (ខ្សែការពាររបស់ Paris Saint-Germain) ក៏មានសភាពល្អ និងត្រៀមចូលលេងដូចគ្នា។
ក្នុងការផ្តល់សម្ភាសន៍ លោកបាននិយាយថា៖
“ពួកគេបានហ្វឹកហាត់ខ្លះៗដោយឡែកពីក្រុមកាលពីម្សិលមិញ ប៉ុន្តែឥឡូវស្ថានភាពកីឡាករទាំងបានល្អប្រសើរឡើងវិញ ហើយថ្ងៃស្អែកពួកគេនឹងចូលលេងបាន”។
ការព្រួយបារម្ភអំពីសុខភាពរបស់ Vinicius Junior បានកើតឡើងបន្ទាប់ពីការប្រកួតទល់នឹង បារាំង សប្ដាហ៍មុន ខណៈដែលគាត់មិនបានហ្វឹកហាត់ពេញលេញនៅដើមសប្ដាហ៍ ដោយសារតែភាពនឿយហត់សាច់ដុំ។ ទោះយ៉ាងណា របាយការណ៍ចុងក្រោយបានបញ្ជាក់ថា គាត់មិនមានរបួសធ្ងន់ធ្ងរឡើយ ហើយបានឆ្លងកាត់ការថែទាំពិសេស ដើម្បីត្រៀមខ្លួនវិញ។
