Jude Bellingham បញ្ចេញមតិបន្ទាប់ពី Real Madrid ត្រូវបានទម្លាក់ចេញពីពាន Champions League ដោយ Bayern Munich
By Dany • 22 views
“យើងប្រយុទ្ធរហូតដល់ទីបញ្ចប់” – Jude Bellingham បញ្ចេញមតិបន្ទាប់ពី Real Madrid ធ្លាក់ចេញពី Champions League
កីឡាករ Jude Bellingham បានបំបែកភាពស្ងៀមស្ងាត់របស់ខ្លួន បន្ទាប់ពី Real Madrid ត្រូវបានទម្លាក់ចេញពីពាន Champions League ដោយ Bayern Munich។
ខ្សែកណ្តាលជម្រើសជាតិអង់គ្លេសរូបនេះ បានបង្ហាញអារម្មណ៍ខកចិត្តយ៉ាងខ្លាំងតាមបណ្តាញសង្គម ដោយទទួលស្គាល់ថា ក្រុមបានធ្វើឲ្យអ្នកគាំទ្រខកចិត្ត ក្នុងការប្រកួតដែលពោរពេញដោយភាពតានតឹង និងមានស្ថានការណ៍ចម្រូងចម្រាសជាច្រើន។
Bellingham បាននិយាយពីការប្រកួតយប់ថ្ងៃពុធ នៅកីឡដ្ឋាន Allianz Arena ដែលមានសម្ពាធខ្លាំង។ ហើយ Real Madrid ត្រូវបញ្ចប់ដំណើរនៅ Champions League បន្ទាប់ពីចាញ់សរុបទាំងពីរជើង 6-4 ខណៈជើងទី២ ចាញ់ 4-3។
ការប្រកួតបានប្រែប្រួលយ៉ាងឆាប់រហ័ស បន្ទាប់ពី Eduardo Camavinga ទទួលបានកាតលឿងទី២ ដោយសារពន្យាពេលការទាត់ហ្វ្រីឃីក នៅចុងម៉ោងប្រកួត។
ទោះបីជា Arda Guler និង Kylian Mbappe បានបង្ហាញទម្រង់លេងល្អក៏ដោយ ការបាត់បង់កីឡាករម្នាក់បានបើកឱកាសឲ្យ Bayern Munich ប្រើប្រាស់អត្ថប្រយោជន៍នេះយ៉ាងមានប្រសិទ្ធភាព និងបញ្ចប់ក្តីសង្ឃឹមរបស់ Real Madrid នៅទ្វីបអឺរ៉ុប។
