សំបុត្រ World Cup វគ្គផ្តាច់ព្រ័ត្រ ឡើងដល់ 11,000 ដុល្លារ បង្កការរិះគន់ថាតម្លៃនេះថ្លៃហួសហេតុបំផុតក្នុងប្រវត្តិសាស្ត្រ
By Dany • 13 views
តម្លៃសំបុត្រប្រកួតវគ្គផ្តាច់ព្រ័ត្រ FIFA World Cup 2026 កំពុងឡើងថ្លៃខ្លាំងបំផុតក្នុងប្រវត្តិសាស្ត្រ
សំបុត្រសម្រាប់ការប្រកួតផ្តាច់ព្រ័ត្រ FIFA World Cup 2026 ត្រូវបានកំណត់តម្លៃឡើងដល់ប្រហែល 11,000 ដុល្លារ (ជាង £8,300) ដែលជាការកើនឡើងយ៉ាងខ្លាំង បើប្រៀបធៀបនឹងខែធ្នូកន្លងមក។
ក្នុងដំណាក់កាលលក់សំបុត្រចុងក្រោយ (“last-minute sales phase”) តម្លៃសំបុត្រថោកបំផុតសម្រាប់វគ្គផ្តាច់ព្រ័ត្រឡើងដល់ប្រហែល ជាង 5,700 ដុល្លារ (£4,386) ហើយក្នុងដំណើរការលក់ ក៏មានបញ្ហាបច្ចេកទេស និងការរង់ចាំយូរពីសំណាក់អ្នកគាំទ្រ។
អង្គការអ្នកគាំទ្របាល់ទាត់ ដូចជា Football Supporters' Association បានរិះគន់ថា តម្លៃនេះគឺ “ហួសហេតុ” និងជាតម្លៃថ្លៃបំផុតក្នុងប្រវត្តិសាស្ត្រ World Cup។
ជាមួយគ្នានេះ FIFA ក៏អនុវត្តន៍គោលការណ៍ តម្លៃអាចប្រែប្រួលតាមស្ថានភាព សម្រាប់សំបុត្រលក់ទូទៅ ដែលមានន័យថា តម្លៃអាចប្រែប្រួលតាមតម្រូវការ។ លើសពីនេះ ក៏មានទីផ្សារលក់បន្ត ដែលអនុញ្ញាតឲ្យលក់ឡើងតម្លៃ ហើយ FIFA នឹងទទួលភាគរយប្រហែល 30% ពីការលក់នោះ។
អង្គការ Football Supporters Europe និង Euroconsumers បានដាក់ពាក្យបណ្ដឹងជាផ្លូវការ ទៅកាន់ European Commission ដោយចោទប្រកាន់ថា គោលនយោបាយលក់សំបុត្ររបស់ FIFA មានលក្ខណៈ “តឹងរ៉ឹង និងកេងប្រវ័ញ្ច” លើអ្នកគាំទ្រ។
