ក្រុមហេកឃឺភ្ជាប់នឹងចិន ត្រូវបានចោទថា លួចប្រព័ន្ធ update របស់ Notepad++ ដើម្បីបញ្ចូលមេរោគ
By Sok Tak • 52 views
ថ្ងៃទី២ ខែកុម្ភៈ (Reuters) — ក្រុមលួចស៊ើបការណ៍តាមអ៊ីនធឺណិតមួយ ដែលមានការភ្ជាប់ទាក់ទងនឹងប្រទេសចិន ត្រូវបានគេរកឃើញថា បានលួចចូលប្រព័ន្ធធ្វើបច្ចុបន្នភាព (update) របស់កម្មវិធីកែសម្រួលកូដដ៏ពេញនិយម Notepad++ ដើម្បីបញ្ចូលមេរោគ និង backdoor ទៅកាន់អ្នកប្រើប្រាស់ដែលត្រូវបានកំណត់គោលដៅជាក់លាក់។
ក្រុមសន្តិសុខ Rapid7 បានអះអាងថា ការវាយប្រហារនេះពាក់ព័ន្ធនឹងក្រុម Lotus Blossom ដែលសកម្មតាំងពីឆ្នាំ២០០៩ និងធ្លាប់កំណត់គោលដៅលើវិស័យរដ្ឋាភិបាល និងហេដ្ឋារចនាសម្ព័ន្ធសំខាន់ៗ នៅអាស៊ីអាគ្នេយ៍ ខណៈភាគីចិនបានបដិសេធថា មិនមានការគាំទ្រឬពាក់ព័ន្ធនឹងការលួចប្រព័ន្ធតាមអ៊ីនធឺណិតឡើយ។
